Сэргээгдэх эрчим хүч

Сэргээгдэх эрчим хүч гэдэг нь байгалиас заяасан боловч урсгалаар хязгаарлагдмал эх үүсвэрүүдийн эрчим хүч юм. Ихэнхдээ цэвэр эрчим хүч гэж нэрлэгддэг сэргээгдэх эрчим хүч нь байнга нөхөгдөж байдаг байгалийн эх үүсвэр эсвэл процессоос гардаг. Сэргээгдэх нөөц нь үргэлжлэх хугацаагаараа барагдашгүй боловч цаг хугацааны нэгжид авах эрчим хүчний хэмжээгээр хязгаарлагддаг.

Эрчим хүчний эх үүсвэр нь сэргээгдэхгүй, сэргээгдэх гэсэн ерөнхий хоёр хэлбэртэй байдаг. Эрчим хүчний эх үүсвэрийг богино хугацаанд нөхөх (дахин хийх) боломжгүй бол сэргээгдэх боломжгүй гэж үзнэ. Нөгөө талаар нар, салхи зэрэг сэргээгдэх эрчим хүчний эх үүсвэрийг байгалийн жамаар нөхдөг.

Эрчим хүч гэдэг бидний амьдралын салшгүй нэг хэсэг болсон гэрэл гэгээ юм. Энэхүү баялгийн нөөц, үйлчилгээг бага хэмжээгээр ашиглах, цэвэр сэргээгдэх эрчим хүч рүү шилжих замаар эрчим хүчний хэрэглээг багасгахад чиглэсэн хүчин чармайлт бид бүхний өмнө ирээд байна.